Elsku mamma mín

Bumbukrúttið

Thu, 07 Feb 2008 10:55:54 GMT

Er búin að setja upp barnalandssíðu, er enn að vinna í henni en slóðin er:

http://www.barnaland.is/barn/69685/

Sendið mér bara póst á stellafj@gmail.com til að fá lykilorðið. :)

Kv. Stella & bumbukrúttið!

Viðskiptarfæðingur

Sat, 26 Jan 2008 17:47:49 GMT

Náði þeim merka áfanga um síðustu helgi að útskrifast með B.S.c. í viðskiptafræði af vörustjórnunarsviði frá Háskólanum í Reykjavík. Útskriftin var á laugardaginn og svo var ég bara með kökuboð á eftir fyrir nánustu og fékk svo gellurnar í heimsókn um kvöldið. Dagurinn var mjög fínn og gekk allt vel fyrir sig, pabbi kom að vestan og tengdó á Höfn komu líka í bæinn. Fékk ég allt of mikið af fallegum gjöfum frá öllum, takk takk fyrir mig.

Við Elmar erum fyrir vestan núna og það er búið að snjóa og snjóa síðan við komum, við fórum út í langan göngutúr í dag og var ég að “prufukeyra” nýju Cintamani gönguskónna mína sem hann Elmar minn gaf mér. Það þýðir ekkert annað en að skóa kerluna vel svo hún renni ekki á rassgatið svona gengin á sjötta mánuðinn! Við ætlum að fara á þorrablótið í kvöld en finnst mér bara verst að mega ekki smakka á hákarlinum…. en ég get étið pungana. ;o)

Litli erfinginn er alltaf að flýta sér að stækka og gerir fullt af æfingum, eitt helsta áhugamálið er að sparka í mömmu sína og sprikla og hreyfa sig á fullu. Pabbinn er farinn að finna fyrir hreyfingum og finnst honum það mjög gaman en spáir samt í því hvort barnið gæti nokkuð verið ofvirkt miðað við spörkin og bröltin. En ætli það, það er bara mjög virkt!!!! Ég fór í skoðun í síðustu viku og var mæld frá lífbeini og upp yfir nafla og er ég rétt aðeins fyrir ofan meðaltal svo barnið dafnar vel.

Lífið heldur áfram

Wed, 09 Jan 2008 20:51:15 GMT

Þá eru hátíðarnar víst búnar og er ég hálf fegin, var alveg komin með ógeð á öllu þessu konfekti og mat! Pabbi og Alfreð farnir vestur en Kristinn er enn í Svíþjóð svo það er hálf tómlegt hjá okkur hérna í nýju stóru íbúðinni okkar og ekki batnaði það þegar jólskrautið fór ofan í kassa. Já, við erum búin að kaupa okkur æðislega íbúð í Grafarholtinu og fluttum við inn í endan nóvember. En það eru nú ekki einu breytingarnar hjá okkur því það er lítill erfingi á leiðinni, ekki seinna vænna að byrja til að fylla upp í auka herbergin! Ég er gengin rúma 21 viku og áætlað er að baunin láti sjá sig í maí. Meðgangan hefur gengið eins og í sögu og hef ég ekkert fundið fyrir ógleði eða öðru og vonandi að næstu 19 vikur verði jafn góðar. Við fórum í 20 vikna sónarinn 2 janúar og fengum mjög fínar myndir, svo virðist sem barnið sé með bollukinnar og lítinn nebba inn á milli! Svo var ég að skoða gamlar barnamyndir af okkur Elmari og við erum með alveg eins andlitsfall sem börn, þ.a.s. bollukinnar og lítinn nebba inn á milli, litla höku og ljósar krullur. Við erum að byrja að huga að barnadóti og ákveða hvernig vagn, bílstól, kerru, rúm og fl. við ætlum að kaupa. Það verður skrítin tilbreyting að vera ekki að vinna næsta sumar, vonandi fáum við jafn gott sumar og síðasta sumar var. Svo er Hanna vinkona á sama róli, hún er rúmum 3 vikum á undan mér svo við eigum eflaust eftir að vera tvíburar í sumar á kaffihúsunum niðrí bæ ásamt Hrefnu og honum Kristófer Leó sætalíus!

Ég er byrjuð að vinna á fullu og verð að vinna fram á vor, nú er skólinn búinn og útskriftin verður núna í janúar. Frekar skrítið að þessum áfanga sé lokið og finnst mér þessi 3 ár hafa liðið ótrúlega hratt, en samt sem áður verið mjög skemmtilegur og lærdómsríkur tími.

Kveðja Stella sem er komin með bumbu!

Smá skilaboð.

Wed, 26 Dec 2007 15:07:08 GMT

Mig langar til að þakka öllum sem hafa sýnt mér og fjölskyldu minni stuðning og hlýhug á þessum erfiðu tímum sem á undan hafa gengið, takk fyrir öll fallegu orðin sem skrifuð hafa verið hér inn á síðuna og öll skeytin sem okkur hafa verið send. Það er ómetanlegt að finna fyrir því hvað margir hafa stutt okkur og staðið við bakið á okkur, takk takk allir.

Einnig vil ég þakka fyrir öll jólakortin sem við fengum og fallegu myndirnar af litlu krílunum, við sendum engin jólakort út í ár og vona ég að fólk skilji það.

Gleðilega hátíð.

Minning þín er ljós í lífi okkar

Mon, 29 Oct 2007 20:53:30 GMT

Það er svo skrítið hvernig lífið getur leikið mann, hversu ótrúlega stutt er á milli hláturs og gráturs. Mikið ofboðslega finnst mér erfitt að kveðja hana mömmu mína, hún hefur alltaf verið til staðar fyrir mig og fannst manni að ekkert annað kæmi til greina en að hún yrði það næstu 20 til 30 árin að minnstakosti. En þessu getur maður víst ekki stjórnað hversu sárt og ósanngjarnt sem það er. Hér er brot úr færslu sem ég skrifaði 20 febrúar 2007;

Langaði svo í lokinn að koma á framfæri að ég á bestu mömmu í heimi ;o) og mér þykir alveg óendanlega mikið vænt um hana. Hún er einn af klettunum í lífi mínu sem ég get alltaf leitað til, sama hvað það er.

Ég vissi svo vel hve heitt mamma elskaði mig og hversu stolt hún var af mér og bræðrum mínum, henni hlakkaði svo til að sjá mig útskrifast úr viðskiptafræðinni í janúar því hún hefur alltaf lagt svo mikið upp úr því að við menntum okkur, en ég veit að á útskriftardaginn minn á hún eftir að horfa stollt niður á mig og segja; þetta er dóttir mín. Og mamma mikið ofboðslega elskaði ég þig mikið og þótti vænt um þig.

Hér er minningargreinin sem ég skrifaði til mömmu og birtist í Morgunblaðinu útarfardaginn 18. oktober 2007.

Elsku mamma mín.

Elsku fallega, yndislega og góða mamma mín.

Ég bara trúi ekki að ég sitji hér með tárin í augunum að skrifa minningagrein um þig, nei ekki elsku mömmu mína. Á þesari stundu á ég svo eftitt með að skilja afhverju þú varst tekin frá okkur, hver sé sanngirnin í að móðir í blóma lífsins sé á einu augabragði tekin frá ástvinum sínum. Eflaust á ég aldrei eftir að skilja það, en sagt er að tíminn lækni öll sár og kannski er það rétt þó svo að sár okkar séu stór og mikil. Ég var ekki bara að missa móðir mína, heldur var ég líka að missa bestu vinkonu mína, við vorum svo nánar mæðgur. Það leið varla sá dagur sem við töluðum ekki saman í síma svo tímunum skipti um allt og ekki neitt, það var svo gott að tala við þig og fá ráðleggingar hjá þér. Það er skrítið að hugsa til þess að eiga aldrei eftir að tala við þig aftur, faðma þig, eða sjá fallega brosið þitt á góðum stundum.

Ég er svo þakklát fyrir að hafa átt þig sem móðir, ég get ekki ímyndað mér berti móðir en þig. Þú varst svo góð kona og vildir alltaf allt fyrir alla gera, það skipti ekki máli hvað það var. Þú varst alltaf tilbúin til að hjálpa öðrum og þú hafðir svo stórt og hlýtt hjarta, ég er svo stollt af því að vera dóttir þín.

Ég átti svo góða æsku og fékk gott uppeldi hjá ykkur pabba, hjarta mitt er fullt af góðum minningum sem verða aldrei teknar frá mér. Eins og t.d. á kvöldin þegar pabbi var á sjónum, þá fórstu alltaf með mig og Kristinn upp í rúm og við fengum að sofa í hjónarúminu hjá þér og fyrir svefninn fórum við alltaf með bæninar og báðum guð að passa pabba á sjónum og alla ástvini okkar og svo lastu bók fyrir okkur. Það var svo mikið að skemmtilegum sögum sem þú last fyrir okkur og hlakkaði manni alltaf til að fara upp í rúm til að geta haldið áfram með söguna, þú hafðir líka svo mikla unun af því að lesa. Svo eftir að Alfreð fæddist þá fannst mér alltaf svo gaman að hjálpa þér með hann, enda treystir þú mér líka fullkomlega fyrir honum.

Framtíðin var svo björt, okkur var farið að hlakka svo til komandi stunda, þið pabbi búin að selja húsið á Partó og draumur þinn um að flytja suður var loksins að verða að veruleika, mig hlakkaði svo til að geta farið að eyða meiri tíma með ykkur. Svo vorum við byrjaðar að plana jólin, okkur hlakkaði svo til, við Elmar ætluðum að vera hjá ykkur þessi jól og ég ætlaði að koma í byrjum desember svo við gætum undirbúið jólin saman, við vorum meira að segja farnar að plana hvað við ætluðum að baka. Mig hlakkar ekki lengur til jólanna, ég veit að þau eiga eftir að verða erfið og skrítin.

Ég er svo þakklát fyrir að við höfum öll verið fyrir vestan og geta fylgt þér síðust spor þín í þessu lífi. Það var búið að vera svo gaman hjá okkur um helgina, allir svo hamingjusamir og mikið um hlátur og gleði, þér leið alltaf best í faðmi fjölskyldunnar.

Takk fyrir að vera mamma mín.

Ég elska þig og sakna þín svo mikið,

þín dóttir Stella Björk.

07.10.2007

Mon, 08 Oct 2007 09:23:22 GMT

Halifax baby...

Fri, 28 Sep 2007 16:46:23 GMT

Halifax var bara æði, við vorum í 4 nætur á Delta Halifax hótelinu sem er ógeðslega flott og geggjaður morgunmatur, það sem var boðið upp á var m.a.; brauð, beyglur, horn, fullt af ostum og áleggi, fullt af niðurskornum ávöxtum, jógúrt nokkrartegundir af morgunkorni og svo auðvitað ommiletta, pulsur, beikon og skonsku. Ég hætti mér að vísu aldrei á þá braut, er ekki með nógu sterkan maga í svona þungan morgunmat! Við náðum að versla alveg heilar 2 risastórar fullar töskur og Elmar keypti sér líka fartölvu og allt! Það er mjög gott að versla þarna og æðislega að borða þarna, enda átum við og drukkum eins og svín svo það er eins gott að maður fari ekki í bleika skyrtu núna, þá yrði maður skorin niður í beikon!!!! Eina sem fer alltaf á pirrurnar á mér í útlöndum er að það sé ekki hægt að drekka vatnið úr krönunum, sérstaklega þegar maður er á hótelherbergi með engum ísskáp, maður lærir alltaf að meta íslenska vatnið meira og meira þegar maður fer erlendis. Við fórum í Mic Mac mollið á föstudeginum og svo í Halifax shopping centre á laugardeginum, svo var sunnudagurinn notaður í að fara í Wall Mart þar sem hægt er að kaupa allt frá verkjatöflum upp í jeppa dekk ;o) og röltum svo aðeins um nágrennið það sem eftir var dags. Á mánudeginum þá þurftum við að tæma hótelið fyrir hádegi en flugið var ekki fyrr en 22 um kvöldið, svo við settum töskurnar í geymslu og vorum túrista í einn dag, fórum í sýningarferð á vatnadreka sem var ½ tíma á landi og ½ tíma á sjó og svo röltum við bryggjuna og tókum myndir og sonna! Ég mæli sko með þessari borg fyrir alla, alveg frábær....... Það var á milli 20-25 stiga hiti þarna og vá hvað það var kallt þegar við komum út úr Leifstöð ósofin og ílla étin kl 6 á þriðjudagsmorgun í -1 °C, ekki gott!

Annars gengur lífið bara sinn vana gang hjá okkur hjónum, ætlum að fara vestur á næstuhelgi, það er víst e-h Sælkerahátíð og getur vel verið að maður skelli sér á hana, ekki skemmir fyrir hvað það eru alltaf miklar þrusu hljómsveitir á vetrarböllum fyrir vestan!

Algjört letidýr....

Tue, 04 Sep 2007 17:03:39 GMT

Jæja, best að henda inn smá færslu hér, sé að Daðey er orðin ansi þreytt á letinni í mér og er hún eflaust ekki ein um það. ;o) Nú er skólinn byrjaður og er ég í 3 kúrsum og svo í lokaverkefninu, við erum 2 saman með það og erum við að vinna verkefni fyrir Vífilfell. Við ætluðum nú að byrja e-h í sumar, en það er eins og það er, svo við erum að byrja núna.

Ég held hreinlega að það sé að rigna núna öllu sem ringdi ekki í sumar, dí rigning og rok upp á hvern einasta dag og guð hvað það fer líka vel í hárið á mér, er eins og reitt rolla sem var næstum því drukknuð á að hlaupa út í bíl!

Elmar fór í Hrauneyjar að hjóla um síðustu helgi svo ég bauð honum Guðmundi Óla í heimsókn og hann gisti hjá mér á föstudagskvöldið og að sjálfsögðu er hann sko algjör prins þegar hann er hjá mér, hann fékk að ráða hvað var í matinn og drengurinn vildi hamborgara! Svo var video kvöld hjá okkur og við horfðum á Lottu og mynd um grís og keyptum bland í poka með og fórum svo í bíó á laugardeginum. ;o) Hann á sko ekki í erfiðleikum með að bræða mann strákurinn sá, þegar hann segir; það er alltaf svo gaman hjá þér Stella og svo er allt svo sniðugt hjá þér líka. ;o) En ég komst að því að það er sko ýmislegt sem mamma sagði við mig þegar ég var lítil sem amma hefur eflaust sagt við hana og svo segi ég það líka! Eins og t.d. goðin þeir Kuldaboli og Fjöruralli, sem mamma sagði að maður yrði að passa sig á. Kuldaboli kom sko og beit mann ef maður fór ílla klæddur út og svo átti Fjöruralli heima niðrí fjöru og maður mátti alls ekki fara niðrí fjöru því þá tæki hann mann, en það var í lagi að fara niðrí fjöru með mömmu eða pabba, því hann var hræddur við fullorðna. Nema hvað á sunnudeginum þá var ég í Sandgerði hjá Ástu og Gabríel var að hlaupa um á bolnum og ég sagði við hann að hann yrði að fara í buxur, því annars myndi Kuldaboli koma og bíta í rassin á honum og svo var Guðmundur að fara út og þá sagði ég við hann að hann mætti alls ekki fara niður í fjöru því þar byggi Fjöruralli. Svona fara sögurnar frá kynslóð til kynslóð.......

Nú eru bara 16 dagar þanga til að við förum til Halifax og erum við farin að hlakka ansi mikið til, það verður sko verslað e-h þar, össs.... Svo er fyrsta vikan í átakinu núna, var að byrja í 8 vikna aðhaldsnámskeiði hjá Hreyfingu, eitthvað varð maður að gera fyrst bumban var að taka völdin!!!! Þannig að nú er það bara; í kjólin fyrir jólin og bumban burt og allt það crap!

Nýtt upphaf....

Wed, 22 Aug 2007 13:46:26 GMT

Búin að læsa síðunni og má nú búast við mjög svo krassandi sögum um mig og mína.....;o) ;o) Nei, kannski ekki alveg, en ég ætla nú að vera öflugri í blogginu nú þegar hausta tekur heldur en ég er búin að vera í sumar.

Takk fyrir öll commentin á síðustu færslu og fólk með misjafnar skoðanir, en Hanna ef þú segir að ég sé tossi, þá ert þú bara tossi!!!!!! Já og Sigrún fékk umferðarverðlaunin þetta ár fyrir snilldar björgum frá því að þvera kannt á gangstétt!!! ;o) ;o)

Við erum í sumarfríi núna og byrjuðum á að gista 2 nætur á Akureyri hjá henni Rakel og fórum svo austur á Höfn í fyrradag og ætlum að vera fram á c.a. föstudag í leti og afslöppun, þar sem veðrið er nú ekkert spes. Erum búin að fara á fjórhjól með Rakel og skoða landið á leiðinni!

Tíminn líður hratt á.......

Mon, 13 Aug 2007 11:03:20 GMT

Nú er sumarið að verða búið, eða að minnstakosti sumarvinnan og svo er skólinn bara að byrja eftir viku……usss…búið að vera allt of fljótt að líða. Annars var verslunarmannahelgin mjög fín og mjög róleg, kíkti að vísu út á tjúttið á laugardagskvöldið, en annars var þetta bara rólegheit, veðrið var líka ekki upp á marga fiska!!! En hún Hrefna eignaðist strák á sunnudeginum sem var nú hápunktur helgarinnar. Svo kom Elmar í land á þriðjudeginum og fæ ég að hafa hann alveg í hellings tíma núna og get alveg knúsað hann í kaf ;o) ;o).

Við slepptum því að fara á Gay-pride þetta árið, en í staðinn fórum við Esjuna þar sem við höfðum hvorugt farið hana áður og að sjálfsögðu fórum við erfiðari leiðina upp og ef ég á að vera hreinskilin þá er þetta nú erfiðara en ég hélt, kannski líka út af því að það var ekkert stoppað, bara þrumað upp. En þetta var rosa skemmtilegt, veðrið bara æði og útsýnið frábært. Fórum svo í dýrindis 3 rétta mat um kvöldið í Birkihlíðina og vorum sko vel búin að vinna okkur inn fyrir því!!

Við Fjellurnar fórum saman út að borða í gærkvöldi og var Ítalía fyrir valinu og ég segi bara hvað er málið með veitingastaði og okkur þetta sumar, fáum bara skíta þjónustu allstaðar!!!!! Hef að minnsta kost ekki lent í því áður að vera rekin út af veitingastað því borðið var pantað kl 8!!!! En við semsagt vorum komnar þarna um ½ 7 og pöntuðum okkar að borða, vorum svo að kingja síðustu bitunum um ½ 8 og sátum að spjalla og drekka hvítvín, þegar þjóninn kemur og spyr hvort við viljum e-h meira og þar sem hvítvínsflaskan var enn hálf þá biðjum við hann að koma með meira vatn takk og þá segir hann; já, en EKKERT meira???? Uhhh, nei takk (dóni)! Og svo byrjaði hann að glápa á borðið hjá okkur…..og kemur svo rétt fyrir 8 (við búnar að sitja þarna í tæpan 1 & ½ tíma í heildina) og segir að borðið sé pantað aftur kl 8 og hvort við getum farið!!!!! OMG, þvílík þjónusta og þar sem ég var enn með hvítvín í glasinu þá horfði ég á hann og sagði; fyrirgefðu, en ég er enn með hvítvín í glasinu, má ég KLÁRA það????? Þá er Ítalía komin á SVARTA listann minn!!!!!

Er mikið búin að vara að pæla í að fara að læsa síðunni, finnst vera heldur margir sem koma hér inn daglega, en yfirleitt ekki nema c.a. 5 sem commenta reglulega, þannig að ég hef ekki hugmynd um hverjir eru að skoða síðuna mína!!!

Góða ég!!!

Fri, 03 Aug 2007 11:16:24 GMT

Umm, æðislegt veður í dag, ég var farin að sakna íslenska veðursins og var þvílíkt happy þegar ég leit út um gluggan í morgun og sá að það var rok og rigning, oh, svo kósý!!!!

Nú er helgin sem kennd er við verslunarmenn að byrja og því fannst mér við hæfi að bregða mér í Kringluna í gær að versla, hehehe…… Fann rosa flott “átfitt” svona ef maður myndi bregða sér á Kaffi Akureyri eða Sjallan um helgina. Hafiði pælt í því að snyrtidótið manns klárast alltaf allt á sama tíma, einn daginn lendir maður í því að grípa í öll box tóm, þessi tími var núna hjá mér og þurfti ég að kaupa mér meik, sólarpúður, varalitablíant, augnskugga og maskara allt í gær! Lenti nú í einu svona frásögufærandi í gær, en þannig var að þegar ég var komin út á bílastæði þá labbaði útlendingur að mér og spurði mig hvort ég talaði ensku, þá vildi hann endilega gefa mér bók um jóga og því tengdu eins og t.d. öndun og hugsun, hann sagði að bókin hafi verið að koma út á íslensku og að honum langaði að gefa mér hana því ; “You seams to be such a good person” sagði hann við mig!

Góða helgi allir saman og hafið það gott ;o)

3 dagar í versló

Tue, 31 Jul 2007 10:35:18 GMT

Þá liggur álagningin fyrir þetta árið, það kom mér nú svolítið á óvart að ég væri ekki á listanum yfir gjaldahæstu einstaklingana á vestfjörðum! Var alveg búin að reikna með því þar sem það er svo gott að vera námsmaður á Íslandi, maður er með vasana fulla af fjár á þessum námslánum! En kannski á næsta ári…..

Það er kominn smá fiðringur í mann fyrir næstu helgi, ég ætla nú samt ekki að vera á djamminu öll kvöldin, heldur að njóta helgarinnar með fjölskyldu og vinum.

Oh, ég náði að gera mig að algjöru fífli í gær, fór í Kringluna eftir vinnu og svo var ég inni í Útilíf að skoða skó og gekk svo að “afgreiðslumaninnum” og spurði hvort hann ætti þessa í öðru númeri. Maðurinn horfði á mig og sagði; það veit ég ekki, ég er ekki að vinna hérna……… Þetta er akkurat svona móment sem manni langar til að fara að skelli hlægja en getur það ekki og segir bara vandræðanlega; Ó, fyrirgefðu og labbar í burtu! Svo eftir þetta var ég alltaf að rekast á maninn um alla Kringlu…….En ef þið eigið leið þangað, þá skulið þið passa ykkur á 3 útlendingum, 2 stelpum og strák sem eru með lítinn bás á annari hæðinni þar sem þau eru með naglavörur, ætla gjörsamlega að éta mann, þangað til að maður segist ekki ætla að kaupa þetta, þá spyrja þau; why, eins og maður þurfi e-h að útskýra það fyrir þeim. Svo á þetta að kosta 8.000, en er á sérstöku tilboði núna á 4.500 (einmitt), fyrir litla naglaþjöl og cheep handáburð, en ég lét sko ekki gabba mig!!!!

Sigríður eignaðist strák á laugardaginn, hann var sko að flýta sér í heiminn því þau voru ekki búin að vera nema um klukkutíma uppi á spítala þegar hann var fæddur, kom sko með hvelli. Svo er maður bara að bíða eftir fréttum af Hrefnu, hún er sett í dag og það er spennandi að vita hvort þetta verði ekki bara lítil stelpa.:)

Svo í lokin vil ég þakka fólki fyrir hvað það er duglegt að commenta hér á síðunni, vá hef ekki undan að lesa þau!!!

Það er föstudagur í dag.....

Fri, 27 Jul 2007 10:53:34 GMT

Good Morning Iceland!

Og þá er kominn föstudagur og helgin framundan, engin plön þannig fyrir helgina, svo allt getur gerst. Er búin að sitja 2 síðustu kvöld með Kötlu í penthouse íbúðinni með útsýni yfir alla Reykjavík, til Keflavíkur og Akraness, og ég sem hélt að það væri engin tré í RVK, en það er stór misskilningur! Annars er ég páfagauka passari núna, með 2 fugla hjá mér sem systkini hans Elmars eiga, ágætis tilbreyting! Svo er það bara Akureyri á næstu helgi og svo er sumarið bara að verða búið!!! Já, það er ótrúlegt hvað manni finnst það alltaf fljúga, en það er bara merki um að það sé búið að vera gaman hjá manni og nóg um að vera. Nú á ég bara 2 & ½ viku eftir í vinunni og svo tekur SÍÐASTA önnin mín við í skólanum og þá er mín bara orðin viðskiptafræðingur með áherslu á vörustjórnun! Er samt strax farin að líta í kringum mig í sambandi við meira nám og er eiginlega tvennt sem fangar mig mest, en það verður að koma í ljós. Já, já, framtíðin er eins og óskrifað blað…..(ein svona fræðileg í lokin)!!!!

En vissuð þið að Stellan er karlmannsnafn, eins og t.d þessi dúddi hér (í miðjunni) heitir Stellan Skarsgard og er besti vinur hennar Nicole Kidman......

...........

Mon, 23 Jul 2007 10:21:17 GMT

Þá er ný vika byrjuð eftir fína helgi. Á föstudaginn kíktum við Sigga & Katla í kveðjupartý á Hressó hjá Silju & Haffa sem var mjög fínt en ég var bara komin snemma heim. Laugardagurinn var klessudagur og um kvöldið kom Sigga til mín og við gláptum á dvd yfir doritos og nammi, sem endaði svo í sleapover. Svo í gær var skírnarveisla þar sem litla fallega frænka mín hlaut nafnið Sóley Ásta.Jæja, er ekki í neinu skrif stuði núna. Vona að vikan verð fín hjá ykkur……

Myspace

Thu, 19 Jul 2007 22:39:49 GMT

Lét loksins sannfærast af henni Siggu minni og hún kom mér á myspace-ið, svo verður að koma í ljós hvort ég verði húkt!!!!

Slóðin er:

http://www.myspace.com/stellafjeldsted

Enjoy....:haha::haha: